Mahalliy hostinglar kimni aldayapti?
Mahalliy VPS’lar o‘zbek dasturchilariga kam resursni baland narxda sotib, “Start” deb atamoqda. Bu maqolada biz sizga €12 evaziga qanday kuchli server olish mumkinligini ko‘rsatamiz va haqiqatni ochamiz. Ongli tanlov qiling.
Start 3 emas, Stop 3: Mahalliy hostinglar kimni aldayapti?
Yil 2025. Dasturchilar internetda ishlamoqda, ammo serverlar... hali ham 2010 yilda qolib ketgan. Mahalliy hosting provayderlar bizga “Start” deya server sotmoqda, ammo bu real ishlashda “Stop” bo‘lib chiqmoqda.
Mahalliy VPS’lar: Nima taklif qilmoqda?
Masalan, quyidagi VPS paketiga qarang:
- CPU: 2 x 2.2GHz
- RAM: 2GB
- Disk: 10GB
- Internet: 3 Mbit/s
- Tas-IX: 15 Mbit/s
- Narx: 285 000 so‘m / oy
Bu — Start 3 deb nomlangan paket. Ammo bu server zamonaviy veb-ilovalarga, ayniqsa Laravel, WordPress, Node.js kabi texnologiyalarni ishlab chiquvchilar uchun yetarli emas.
Xorijiy VPS’lar: Xuddi shu pulga nima olasiz?
Shunchaki €12 evaziga (taxminan 170 000 so‘m) quyidagicha VPS olish mumkin:
- vCPU: 6 ta (thread)
- RAM: 8 GB
- SSD: 100 GB
- 1 Gbit/s port, 4 TB trafik
- Bepul Control Panel, Email, Botguard, Wordpress Manager
Agar €24 (330k so‘m) to‘lansa, resurslar 12 vCPU, 16GB RAM, 200GB SSD’gacha chiqadi. Ya’ni bu endi “developerlar uchun jannat VPS”.
Qiyos: Real farq qanday?
| Parametr | Start 3 (Mahalliy) | Xorijiy VPS |
|---|---|---|
| CPU | 2 x 2.2GHz | 12 vCPU |
| RAM | 2 GB | 16 GB |
| SSD | 10 GB | 200 GB |
| Internet | 3 Mbit/s | 1 Gbit/s |
| Trafik | cheklanmagan emas | 4 TB |
| Narx | 285 000 so‘m | 330 000 so‘m |
Nega bu muhim?
Mahalliy provayderlar o‘zbek dasturchilarning imkoniyatlarini cheklamoqda. 10 GB SSD — bu 2012 yil standartidir. 3 Mbit/s internet esa hatto kichik sayt uchun ham yetarli emas. Ammo foydalanuvchi bu narxga boshqa variantlar mavjudligini bilmaydi.
KnowHub tavsiyasi
Agar siz developer bo‘lsangiz, resurslarni oqilona tanlang. Mahalliy hostinglar qulay bo‘lishi mumkin, ammo ular sizni sekinlik, cheklovlar va haddan ortiq narx bilan ortga tortadi. Zamonaviy texnologiyalar uchun zamonaviy server kerak
Sizning reaksiyangiz qanday?
